feb 3rd

D’n Tennismoer

DOOR admin | In Berichten

D’n Tennismoer

Op de grens vaan Mestreech
Riechting Kanne—dao op de Merregelweeg
Sjus neve dee eerappeleboer
Zuus ste tusse de struuk–rechts–unne opvallende tennismoer !!

Veer baone-un parkeerplaots en auch un kantien
Umgeve door struukskes en neutebeum, sjoen um te zien
Weurt ut speulselke tennis bedreve en auch wel gesport
Aon beweging en plezeer kumps ste hej niks tekort.

De gemoedelijke sfeer is kenmerkend veur dees club
Hej lup geine dikke nek of euverdreve sjieke jub !!
Eige initiatief weurt bij us groet geschreve
Daorum sjus velt hej vaan alles te beleve.

De echte lede doen bekans alles zelluf
Gedroonke weurt dr deks –tot soms wiet nao twelluf
Op ut terras begeleidt de muziek de dicussies en sterreke verhaole
Alle draank en hepkes zien ech wel gemekelijk te betaole

Door ut jaor weurt vaan alles gedaon um de lede te plezeere
Eederein kin aon alles met doen — en –de hoofs diech neet te genere
Alhoewel ut tennis hej ech wel un belangrijke rol speult–en dus primair is
Vinde veer-dat in dizze tied- werremte nao elkaar tow–onmisbaar is.

Maag ut neuje jaor uuch allen euvergete met geluk en veul speulplezeer
Kom eeder week nao us park- zeker unne kier of veer
Maak in Mestreech en umstreke us clubke bekind
Zoedat veul mie luij–dee tennismoer aon de Merregelweeg -vindt !

Comments are closed.

COPYRIGHT | LTC MAASVOGELS | 2014
Nekummerweg 6x Maastricht